• ×
الجمعة 22 أكتوبر 2021

شيرين اشرف اول بنت تنقل سوق الوكالة الى (وكالة اونلاين)

بواسطة admin 10-07-2021 01:45 مساءً 84 زيارات
شيرين اشرف اول بنت تنقل سوق الوكالة الى ( وكالة اونلاين )
بدأت وانا عندى 14 سنة ب300ج فقط..وانهاردة عندى براند اونلاين ( انت store ). قصة نجاح شيرين اشرف
image
انا شيرين اشرف وعندى 20 سنة.
بدات اشتغل اونلاين من وانا عندي ١٤ سنه كنت ف ٣ اعدادي وقتها بدات مشروعي ب ٣٠٠ ج جبت شويه ميكاب بسيط جدا عملت جروب و بدعم صحابي و الناس الي اعرفها الجروب ابتدي يكبر و كان دايما غرضي اني ابيع ب مكسب قليل بس ابيع عدد اكبر فضلت اشتغل لحد ٣ ثانوي و بعد كدا لما خلصت كنت قاعده عادي بتكلم مع صاحبتي جه ف بالي فكره ان لسه منلبسش براندات للناس بسعر قليل زي ما بنروح الوكالة نجيب هدومنا !؟
ليه مكبرش فكرة ان بسهوله تقدري تلبسي كل البراندات بس باقل من ربع سعرها و من هنا رجعت تاني فكره اني اعمل جروب جديد و اسميه باسم ليه علاقه ب الوكالة و كان اسمه وقتها وكاله ستور و كنت انا اول بنت تعمل فكره الوكالة اونلاين ابتديت من سنتين تقريبا و الحمدلله اتشهرت بالفكرة و اتاخدت مني الفكرة كتير و اتقلدت
بس كنت مميزه شوية عن الباقي ف فكره الاسعار برضه فضلت اقول هكسب قليل و ابيع كتير لاني زيي زي كل البنات نفسنا نشتري حاجات كتير بس تكون سعرها حلو عشان نشتري اكتر و بدات افكر طب ليه مكملش الطقم بتاعنا ؟ و من هنا قولت هشتري كل حاجه ليها علاقه بالبنت من شنط و جزم و اكسسوار و بسعر جملتها ابيع ! و بالفعل عملت كدا و كنت ساعتها بصور الشغل ف الشارع كدا وانا واقفه عند صاحب المحل ! بس الحمدلله دلوقتي بقا عندي معدات تصوير و بصور ف البيت بطريقه احسن ب كتير
و كمان دخلت ف شراكة مع شخص و بقيت شريكة في مكتب جمله للاكسسورات و النضارات وانا لسه مكلمتش ال ٢١ سنه عشان ادعم و اقف جمب البنات الي نفسها تشتغل باقل الاسعار و ابتدي المشروع دا يكبر شويه شويه بجانب شغلي الاساسي
انت)store( جروبي الجميل الصغنن
قدرت اوصل الجروب ل اكتر من ٧٥ الف بنت ف خلال اقل من سنتين و فخورة ب دا و لسه عايزه اكمل و اوصل لاكتر من كدا كتير و اخلي كل بنت تجيب الي محتاجاه ب اقل الاسعار
و ف الاخر حابة بس اقول لكل البنات انها تحاول تعتمد على نفسها ف كل حاجه ليها حقيقي الموضوع بيكون ممتع لابعد الحدود فكره انك تتعبي ف شغلك و تقدري قيمة الفلوس دي حاجه جميله جدا و هتبني في شخصيتك حاجات كتير
لمتابعتي على مواقع التواصل حسابي على الانستغرام